 |
فطيره السجق |
{ المقادير }:-
*للعجينه:-
☆1/2كيلو دقيق☆1معلقه كبيره خميره
☆1معلقه كبيره سكر
☆1معلقه صغيره بيكنج بودر
☆رشه ملح
☆ 2معلقه كبيره زيت
☆كوب ونص ماء دافى
تعجن جميع المقادير معا وتترك حتى تختمر.
* للحشو:-
☆ربع كيلو سجق☆2بصله كبيره
☆2حبه فلفل الوان
☆جبنه شيدرمبشوره
☆ملح وفلفل اسود
*للوجه :-
☆بيضه☆سمسم
☆حبه البركه
{ طريقه التحضير }:-
شوحى السجق بدون اى مواد دهنيه لغايه ماينزل كل الدهون اللى جواه ،وبعدين نحط عليه البصل والفلفل الالوان ويشوح ثم يترك حتى يبرد.تفرد العجينه وتقطع بشكل مستطيل ،توضع الجبنه وعليها الحشو ثم تغلف الجوانب وتثنى العجينه وتغلق جيدا وتكون وتكون قفله الفطيره لاسفل وتدهن الفطيره بالبيض وترش بالسمسم وحبه البركه ، تترك العجينه حتى تختمر مره اخرى وتدخل الفرن على درجه حراره 220 لمده 10 دقايق، تقدم مع الكاتشب والمايونيز والبطاطس المحمره، وممكن تقدميها كوجبه سريعه على الغداء أو العشا وبالهنا والشفا.ثانياً :- طريقة عمل فطائر الجبنه:-
 |
فطيره الجبنه |
{ المقادير } :-
☆ 3كوب وربع دقيق☆1معلقه كبيره خميره
☆ 3 معالق كبيره سكر
☆1معلقه صغيره ملح
☆ 1/4 كوب زيت
☆1/4كوب زبادى
☆1كوب حليب
*للوجه :-
☆1بيضه☆1معلقه كبيره حليب
{ طريقه التحضير }:-
اخلطى كل المكونات مع بعض واعجنى لغايه ما يبقى معاكى عجينه مطاطيه ،حطيها فى صنيه مدهونه زيت وادهنى الوش بزيت،غطيها وسبيها تختمر، بعد ما تختمر ويزيد حجمها افرديها كويس وحطى الحشوه اللى انتى عاوزاها ممكن تحطى لحمه معصجه وزيتون وجبنه موتزريلا وممكن تحطى فراخ وجبنه موتزريلا او ممكن تحطى جبنه وزعتر او ترنشات طماطم وفلفل وزيتون وجبنه موتزريلا، بعدين غطيها بعجينه تانيه،وهاتى كوبايه زى ما فى الصور،وبعدين ادهنى الوش بالبيض وممكن ترشى على الوش سمسم وحبه البركه (اختيارى) ،بعدين هدخليها الفرن على درجه حراره 220 درجه ولمده 10 دقايق بعدين خرجيها للفرن وقدميها لاولادك ولكل افراد اسرتك فى وجبه الافطار ، دا غير انها وجبه خفيفه ومغذيه لاولادك لاحتوائها على الجبنه وهى مصدر غنى بالكالسيوم اللى هيحتاجه أولادك لنمو عظامهم وبالهنا والشفا.ثالثاً :- طريقه عمل فطائر بخليط السبانخ والجبنه :-
 |
فطائر محشيه بخليط السبانخ والجبنه |
{ المقادير }:-
*للعجينه :-
نص كيلو دقيق نضيف عليه نص كوب زيت وكوب زبادى و2معلقه كبيره سكر ومعلقه كبيره خميره وربع معلقه صغيره ملح ومعلقه كبيره لبن بودره ونص باكو بيكنج بودروماء دافى للعجن ، تعجن لمده عشر دقايق ، العجينه بتكون طريه ، ثم تترك العجينه لتختمر.*للتزيين :-
1صفار بيض ، وسمسم ، وحبه البركه (اختيارى).*للحشو :-
تحمرى بصله لغايه ما تدبل يعدين تنزلر عليها بنص كيلو سبانخ وتقلبيها على نار عاليه واول ماتنزل ميتها تحطى عصير الليمون والسماق وملح واول ماتبرد تنزلى عليها علبه جبنه فيتا ربع كيلو .{ طريقة التحضير } :-
نشكل العجينه على شكل دواير وبعدين نحط فى قلبها الحشوه ونقفلها كويس ، بعدين ندهن الوش بالبيض ويرش بالسمسم وحبه البركه (اختيارى) ونرصها فى صنيه مدهونه زبده ونسيبها تختمر مره تانيه لمده نصف ساعه فقط وبعدين ندخلها فرن سبق تحميته على درجه حراره 200 حتى يحمر الوجه او لحين تمام النضج ممكن تقدميها لكل أفراد أسرتك على وجبه الإفطار وكمان تعمليها لاولادك وهما رايحين المدرسه او الرحلات لأنها مغذيه ومفيده جدا ل صحتهم لاحتوائها على الجبنه والسبانخ ،وبالهنا والشفا.
حلوه
ردحذف