طريقه عمل( كب كيك البسبوسه ، بسبوسة محشيه قشطه )

اللازنيا

¥المقادير :- 

☆3صدور فراخ بانيه
☆بصله كبيره
☆فلفل الوان
☆زيتون متقطع
☆بهارات (ملح وفلفل وبهارات فراخ ، روزمارى ، كزبره)
☆معلقه صلصه كبيره
☆جبنه موتزريلا او جبنه رومى او الاتنين مع بعض
☆اللازنيا

¥طريقه التحضير :- 

هنعمل الباشميل هنحمر اربع معالق كبار دقيق مع معلقتين كبار زبده وهننزل عليهم بتلات كوبايات لبن ، ونفضل نقلب لغايه الباشميل ما يتقل هحط ملح وفلفل ومرقه دجاج وهقلبهم مع بعض كويس وبعدين هنحط بيضه ونقلبها كويس مه الباشميل ، هنغسل صدور الفراخ بالخل والميه عشان نقضى على ريحه الزفر ، وبعدين نقطعها لشرايح طوليه رفيعه جدا ،هنشوح البصل والفلفل الالوان فى الزبده وهنزل عليهم بقطع الفراخ والبهارات ورشه الملح واسيبها لما تستوى كويس ، وبعدين هنزل بالزيتون المقطع وهنرفع الخليط من على النار ونتركه جانبا ، هنسلق اللازنيا وهنحط مش اكتر من اتنين او تلاته فى الميه عشان ماتلزقش ،  هنجيب صنيه بايركس او تيفال عشان مبتلزقش وهنحط طبقه من الباشميل وبعدين الفراخ وبعدين الجبنه وبعدين اللازنيا وهنعيد مره تانى هنحط طبقه باشميل وبعدين فراخ وبعدين الجبنه وبعدين اللازنيا وهكذا ، هندخلها الفرن على درجه حراره 180وبالهنا والشفا.

☆ثانياً :- طريقة عمل فاهيتا الدجاج :-

فاهيتا الدجاج

¥المقادير :- 

☆صدور دجاج
☆معلقه صغيره صويا صوص
☆2معلقه كبيره ماء
☆1/2معلقه صغيره عصير ليمون
☆رشه ملح وفلفل
☆بصله مقطع شرايح
☆فلفل الوان مقطع شرايح
☆معلقه كبيره زيت

⊙للتتبيله:-

☆3معالق صغيره خل ابيض
☆2معلقه صغيره صويا صوص
☆معلقه صغيره ملح
☆معلقه صغيره تشيلى بودر (فلفل احمر مطحون)
☆ربع معلقه صغيره فلفل اسود
☆رشه بصل بودر
☆ربع كوب عصير ليمون
☆تلت كوب ماء
☆2معلقه زيت
☆فص ثوم مفروم

¥طريقه التحضير :- 

اخلطى جميع مطونات التتبيله وانقعى فيها الفراخ لمده ساعتين على الاقل او لمده ليله كامله افضل ،فى مقلاه على النار حمرى البصل فى معلقتين زيت على نار متوسطه حتى يذبل لونه ثم ضيفى الفلفل الالوان وقلبى ، هنخلط الصويا صوص والماء وعصير الليمون جيدا ثم نضعه على البصل والفلفل ونقلب مره اخرى ، ثم نضع الدجاج ورشه ملح وفلفل اسود ونقلب جيدا ، ثم نضيف معلقتين كبار من التتبيله على خليط الفراخ والبصل والفلفل الالوان ونقلب جيدا ثم نرفعها من على النار ونضعها فى طبق مناسب للتقديم ، ملحوظه مهمه ممكن نستبدل الفراخ باللحم استيك ، تقدم مع الخبز والسلطه الخضراء والارز الابيض او الارز البسمتى بالكركم والطحينه او الثوميه وكمان ممكن نحط عليها كاتشب ومايونيز حسب الرغبه وبالهنا والشفا.

☆ثالثاً :-عمل الكريب الحادق:-

الكريب الحادق

¥المقادير :- 

☆3كوب دقيق
☆2كوب لبن دافئ او ماء
☆نص معلقه صغيره ملح
☆نص معلقه صغيره سكر
☆معلقه كبيره زيت او زبده سايحه

¥طريقه التحضير :- 

هنجيب بوله وهنحط فيها الدقيق والسكر والملح ونقلبهم مع بعض وبعدين هننزل باللبن تدريجيا لغايه ما القوام يتظبط ويبقى سايل،هنسيب الخليط نص ساعه يرتاح ، وبعدين هنجيب طاسه او مقلايه يفضل تيفال هتمسحييها بالزيت وتسخنيها اوى ، هننزل بمقدار ربع كوبايه من الخليط او نص كوبايه بالكتير وبعدين نفرده بالصنيه ، ونهدى النار شويه وبعدين نستنى لغايه الكريب مايبقى لونه دهبى من تحت هنقلب على الناحيه التانيه ، وهنحشيه باى حشوه احنا عاوزينها ممكن شاورما فراخ او شاورما اللحمه ويقدم مع الكاتشب والمايونيز وبالهنا والشفا.

-شاهد أيضاً :- طريقه عمل كبد الدجاج بدبس الرومان.