القائمة الرئيسية

الصفحات

اشهى وصفات اللحوم (اللحمه المشويه،استيك اللحم،وشيش كباب ، عرق تربيانكو أو اللحمه البارده )


أولاً :- طريقه عمل اللحمه المشويه :-


طريقة عمل اللحمه المشويه

اللحمه المشويه 

{ المقادير } :- 

<  كيلو لحمه ضانى مقطعه مكعبات او (ريش)
<  1كوب عصير طماطم
<  1معلقه صغيره فلفل اسود
<  1معلقه صغيره شطه
<  10فصوص ثوم
<  معلقه كبيره خل
<  1جوزه الطيب مبشوره
<  1بصله كبيره
<  فلفل اخضر
<  نص فنجان زيت
<  معلقه كبيره كمون مطحون

{ طريقه التحضير } :- 

اغسلى اللحمه كويس جدا ، بعدين اخلطى الزيت وعصير الطماطم والخل والتوم والفلفل الاسود والشطه والكمون المطحون وجوزه الطيب البشوره والبصل المبشور والفلفل الاخضر ويضرب فى الخلاط  كويس قوى،نحط الخلطه فى صينيه وبعدين نوزع قطع اللحم ونقلب قطع اللحم فى الخلطه كويس وبعدين ندخلها التلاجه لمده 3 ساعات وبعدين نطلعها من التلاجه ونشويها على الشوايه الكهرباء او نشويها على الفحم او الفرن.

 ثانياً :- طريقه عمل استيك اللحم بالصوص البنى :-




طريقه عمل اللحم بالصوص البنى

استيك اللحم بالصوص البنى 


{ المقادير } :- 

<  نص كيلو لحم بقرى مقطع استيك
<  1بصله مفرومه
<  1/4كيلو مشروم مقطع
<  1كوب كريمه لبانى
<  ملح وفلفل اسود
<  1معلقه كبيره دقيق
<  نص كوب شوربه
<  معلقه كبيره زيت ذره

{ طريقه التحضير } :- 

هنتيل الاستيك بالملح والفلفل الاسود، وبعدين نسخن الطاسه كويس قوى ،هننزل بالاستيك ونسيبه لما يحمر وبعدين نقلبه على الجنب التانى واسيبه ياخد لون ،بعدين هشيله وهحط فى نفس الطاسه البصل المفروم واشوحه لغايه مايدبل وبعدين هنزل بالمشروم المقطع واقلب وبعدين هنزل بالدقيق والكريمه اللبانى واقلب كويس وبعدين هضيف الشوربه واقلب كويس ، بعدين هحط شرايح الاستيك واسيبها تكمل سواها مع الصوص  وتتشرب من الصوص ،هنقدمها مع الخضار السوتيه او البطاطس البيوريه والرز الابيض وبالهنا والشفا.

ثالثاً :- طريقه عمل الشيش كباب :-



طريقة عمل الشيش كباب

شيش كباب 

{ المقادير } :- 

<  750جرام لحمه ضانى مقطعه مكعبات صغيره
<  1/2كوب زيت زيتون او اى نوع تانى
<  2معلقه كبيره عصير ليمون
<  1معلقه كبيره عسل اسود
<  1/2 معلقه صغيره كارى
<  1معلقه صغيره ملح
<  3فصوص توم
<  1/2معلقه صغيره زعتر
<  1/2 معلقه صغيره ريحان
<  2حبه بصله مقطعه مكعبات
<  2حبه طماطم مقطعه مكعبات
<  2حبه فلفل مقطعه مكعبات

{ طريقه التحضير } :- 

ملحوظه هامه فى حاله استخدام اعواد خشبيه تنقع فى الماء لمده 30 دقيقه قبل الشواء تجنبا لاحتراقها،وفى حال استخدام اسياخ معدنيه تدهن بالزيت قبل الاستخدام.
فى الخلاط نضع زيت الزيتون وعصير الليمون والعسل الاسود والكارى والملح والتوم والزعتر والريحان ويتم خلط جميع المكونات جيدا،نتبل اللحم جيدا بالتتبيله اللى عملناها ونسيبها فى التلاجه لمده ساعتين على الاقل او طول الليل،ترص قطع اللحم فى الاسياخ بالتبادل مع قطع الفلفل والطماطم والبصل ،تسخن الشوايه قبل بدء الاستخدام ب20 دقيقه ،ترص اعواد الشواء على كل جانب لمده 10 دقايق او حتى تمام النضج ،يقدم الشيش طاووق مع الارز الابيض والسلطه الخضراء او سلطه الطحينه والخضار المشوى وبالهنا والشفا.

رابعاً :- طريقه عمل اللحمه البارده :-


طريقة عمل اللحمه البارده

اللحمه البارده

{ المقادير } :- 

<  عرق تربيانكو
<  ملح وفلفل أسود حسب الرغبه
<  2 بصل قطع كبيره
<  6 فصوص ثوم كبيره الحجم
<  كوب ماء
<  2معلقه كبيره سمن

{ طريقه التحضير } :- 

فى وعاء كبير نضع السمن على نار عاليه ،ونضع اللحمه المربوطه  بالحبل ونبدأ بالتقليب على جميع الجوانب ، حتى تحمر من جميع الجوانب ثم نضع فصوص ثوم والبصل المتقطع ونحمرهم جيداً ثم نضع الملح والفلفل الأسود والماء.
 يجب أن يغطى الماء نصف اللحم فقط أو أقل، نضع اللحم على نار عاليه حتى الغليان ثم على نار متوسطة،  نغطيه،  ثم نتركه على النار لمده ساعه،  نقلب اللحم على الجهه الأخرى بعد مرور نصف ساعه، بعد تمام الإستواء نضع اللحم فى وعاء ونغطيه جيدا ونتركها تبرد تماماً ،ثم نبدأ بتقطيعا إلى شرايح رفيعه باستخدام سكين حامى  ، نقوم بضرب مرقه اللحم بالبصل والثوم فى الخلاط، ثم نضعه على اللحم،  يقدم مع الارز الابيض أو الارز البسمتى بالكركم  ،وبالهنا والشفاااا.

-شاهد أيضاً :- طريقه عمل مكرونه بصلصه البولينيز ومكرونه بالوايت صوص والمشروم ومكرونه بالباشميل.






تعليقات