القائمة الرئيسية

الصفحات

طريقه عمل(كفته السيخ بطريقه متميزه ، مكرونه بكرات الكفته، كفته الدجاج)

أولاً :- طريقة عمل كفته السيخ بطريقة متميزه :-

طريقة عمل كفته السيخ بطريقة متميزه

كفته السبخ

المقادير :-                                                                                                     

☆600جرام ضان مفروم
☆حزمه بقدونس
☆بصلتان
☆ملح وفلفل وبهارات 
☆سماق

طريقة التحضير :- 

افرمى اللحم ناعم ومعه جميع الخضر والتوابل ماعدا السماق ثم افرميه مره اخرى حتى يصبح مثل العجينه ويوزع على الاسياخ ويشوى على الفحم ثم يرش بالسماق وهو ساخن وبالهنا والشفا

ثانياً :- طريقة عمل المكرونه الاسباجتى بكورات الكفته :-

طريقه عمل المكرونه الاسباجتى بكورات الكفته

مكرونه اسباجتى بكورات الكفته

المقادير:-

☆1كيس مكرونه اسباجتى سبق سلقها
☆1/2 كيلو لحم مفروم
☆بصل
☆ملح
☆فلفل اسود
☆كمون
☆زعتر ناشف وريحان ناشف
☆بهارات للحمه(جوزه الطيب ،قرفه ،ريحان ناشف)لوحابه تضيفى بهارت غير دى مفيش مشاكل
☆عصير طماطم
☆2معلقه كبيره صلصه طماطم
☆ثوم
☆دقيق

طريقه التحضير :-

فى وعاء كبير حطى اللحمه المفرومه وعليها البصل المفروم وبعدين ضيفى الملح والفلفل الاسود والبهارات(جوزه الطيب ،القرفه،والريحان الناشف)وبعدين اعجنيهم كويس لغايه مايبقوا خليط متجانس،بعدين شكليها لكرات صغيره وبعدين حطى كرات اللحم فى الدقيق وغلفيها كويس بالدقيق ،بعدين حمريها فى الزيت ،وفى وعاء اخر حمرى التوم المفروم فى الزيت وانزلى عليه بعصير الطماطم والصلصه وضيفى عليهم الكمون والملح والفلفل الاسود  والزعتر الناشف والريحان الناشف وسبيهم يغلو مع بعض شويه ثم انزلى عليهم بالمكرونه المسلوقه وكرات اللحم المحمره وقلبيهم كويس وبعدين ارفعيهم من على النار وبكده تبقى جاهزه للتقديم وبالهنا والشفا.

ثالثاً :- طريقة عمل كفته الدجاج :-


طريقة عمل كفته الدجاج

كفته الدجاج 

المقادير:-

☆700جرام دجاج مفروم
☆بصله كبيره مفرومه
☆كوب ونص بقسماط مطحون
☆بيضه
☆ربع كوب كزبره خضراء
☆2معلقه صغيره كمون
☆2معلقه صغيره بهارات

طريقه التحضير:-

اخلطى مفروم الدجاج مع البصل المفروم والبقسماط والكزبره الخضراء والكمون والبهارات والبيض باليد،
شكليها على شكل اصابع كفته وضعيها فى التلاجه لمده 10 دقايق ،فى نفس الوقت سخنى الشوايه ضعى اصابع الكفته فى اسياخ واشويها لمده 15 دقيقه حتى تنضج ،تقدم مع الطحينه وبالهنا والشفااااااا.

-شاهد أيضاً :- طريقة عمل البطاطس المحمره بطرق مختلفة ولذيذه. 


تعليقات