القائمة الرئيسية

الصفحات

مكرونه اسبشيال ب( الفراخ او السجق ) وطاجن بطاطس بالسجق

أولاً :- طريقه عمل مكرونه سبشيال بالفراخ :-




{ المقادير } :- 

< 1كيس مكرونه اسباجيتى (سبق سلقها)
< زيتون متقطع
< جبنه موتزريلا
< عصير طماطم
< صلصه طماطم
< زعتر ناشف
< ريحان ناشف
< ملح فلفل اسود
< 1/2 كيلو صدور متقطع قطع صغيره الحجم
 < 1بصله متوسطه الحجم
< 5 حبات فلفل الوان
< 3 فصوص ثوم مفروم
< كارى
< بهارات فراخ

{ طريقة التحضير } :- 

نقطع الفراخ قطع صغيره، فى طاسه كبيره هنشوح قطع الفراخ فى معلقتين سمن ونسيبها تاخد صدمه وبعدين نقلبها كويس لمده دقيقتين بعدين ننزل بالبصل ونشوح البصل مع الفراخ لغايه البصل ما يدبل وبعدين انزل بالتوم المفروم واقلب كويس وبعدين انزل بالفلفل الاخضر المتقطع واقلبهم كلهم مع بعض وبعدين احط الملح والفلفل الاسود والكارى وشويه بهارات فراخ حبه صغيرين وبعد ماتستوى الفراخ هطفى النار وهحط الزيتون المتقطع واحرك كويس عشان يختلط بكل المكونات التانيه  ،فى طاسه تانيه هحمر فصين توم فى معلقه سمن وبعدين انزل عليهم بعصير الطماطم ومعلقتين صلصه ، واحط الملح وفلفل اسود والزعتر الناشف والريحان الناشف واسيبهم يغلوا لغايه الطماطم ما تتسبك ،وبعدين اجيب المكرونه الاسباجيتى وتكون مسلوقه نص سلقه واحطها على صوص الطماطم تكمل سواها ،وافضل احرك لغايه المكرونه ماتتشرب كل الطماطم ، وبعدين اجيب الفراخ واحطها على المكرونه الاسباجيتى ، وبعدين اجيب الجبنه الموتزريلا واوزعها على الوش وادخلها الفرن تحت الشوايه عشان الجبنه الموتزريلا تسيح، وبعدين اطلعها من الفرن وبكده تكون جاهزه للتقديم وبالهنا والشفا.

ثانياً :- طريقة عمل مكرونه سبشيال بالسجق :-


{ المقادير } :-

< 1كيس مكرونه اسباجيتى
< زيتون متقطع
< جبنه موتزريلا
< سجق
< ملح وفلفل اسود
< عصير طماطم
< 2معلقه صلصه
< ريحان ناشف
< زعتر ناشف
< 1بصله متوسط الحجم
< 6حبات فلفل الوان
< 3فصوص توم مفروم

{ طريقة التحضير } :- 

هنحمر السجق فى معلقتين سمن او زبده وبعدين ننزل عليه ببصله مفرومه ونقلب بعدين ننزل بالفلفل الالوان والملح والفلفل الاسود والبهارات وبعد مايستوى السجق ننزل بالزيتون المتقطع ، فى اناء اخر هنحمر الثوم المفروم وبعدين هننزل عليه بعصير الطماطم ومعلقتين الصلصه والملح والفلفل والزعتر الناشف والريحان الناشف ، هنقلب كل المكونات مع بعض ونسيبهم لغايه ماتتسبك الطماطم وبعدين هننزل بالمكرونه الاسباجيتى المسلوقه (نص سلقه) وافضل احرك لغايه المكرونه ماتتشرب كل الطماطم ، وبعدين هنحط السجق فوق المكرونه وهنرش على الوش الجبنه الموتزريلا ،بعدين هندخلها الفرن وهنحطها تحت الشوايه عشان الجبنه الموتزريلا تذوب وبعدين نطلعها من الفرن للتقديم وبالهنا والشفا.

ثالثاً :- طريقة عمل بطاطس بالسجق :-




{ المقادير } :- 

< نص كيلو سجق بلدى
< نص كيلو بطاطس متقطعه مكعبات
< جزر متقطع مكعبات
< بصل مفروم
< 2فص ثوم
< 2كوب عصير طماطم
< معلقه صغيره بهارات
< معلقه كبيره زيت
< معلقه كبيره زبده
< ملح وفلفل اسود

{ طريقة التحضير } :- 

فى طاسه كبيره قومى بتسخين الزبده مع الزيت ويضاف البطاطس مع البصل ويحمر ثم نضيف التوم والسجق ونقلب ثم نتركهم ربع 10 دقايق ثم ضيفى الطماطم والجزر وقلبى جيدا ثم ضعى جميع المكونات فى طاجن ونضيف عليهم كوب ماء ويغطى ثم يدخل الفرن على درجه حراره 180 لمده نصف ساعه يكشف ويسوى مره اخرى لمده ربع ساعه وبالهنا والشفاااااا.

-شاهد أيضاً :- طريقة عمل الكبسه والبيكاتا بالمشروم. 



تعليقات

تعليق واحد
إرسال تعليق

إرسال تعليق