القائمة الرئيسية

الصفحات

طريقه عمل (السمك الفيليه بصوص الطماطم مع الارز الاحمر،طاجن سمك سبيط ، سلطه الرنجه بالطحينه)

سمك فيليه بصوص الطماطم 

{المقادير} :- 

☆1كيلو سمك فيليه
☆ربع كوب زيتون اسود متقطع
☆ملح وفلفل اسود
☆2مكعب مرقه
☆كمون
☆ 1/2كوب عصير ليمون
☆2معلقه كبيره زيت ذره
☆2معلقه كبيره ثوم مفروم
☆1فلفل اخضر متقطع
☆1/3كوب صلصه طماطم
☆4معالق كبيره زبده
☆2بصله متوسطه
☆1بصله
☆1فص ثوم
☆1/2فلفل اخضر
☆1/2فلفل اصفر
☆2طماطم
☆1/2كوب صلصه طماطم
☆1/4معلقه صغيره فلفل اسود
☆معلقه صغيره كمون
☆ معلقه صغيره كركم
☆3ونص كوب ماء
☆4معالق كبيره زيت زيتون
☆3كوب رز
☆3مكعب دجاج

{طريقه التحضير }:- 

يغسل السمك الفيليه جيدا ويتبل بعصير الليمون ومرقه الدجاج والملح والفلفل والكمون ويترك لمده ساعه،نقطع البصل والفلفل جوليان او شرايح ،يسخن الزيت فى طاسه على النار ثم نضيف اليه البصل والفلفل الالوان والثوم المفروم ونقلب لمده دقيقتين ثم نضع ربع كوب ماء وصلصه الطماطم ومرقه الدجاج والزيتون الاسود المقطع وتترك لتغلى ، تضاف الصلصه الى السمك لتغطى السمك فى صنيه فرن ، ثم ندخلها الفرن على درجه حراره متوسطه لمده 30 ل 35 دقيقه حتى ينضج السمك.
-لعمل الارز الحمر :- يحمر البصل فى الزيت ثم يضاف اليه الثوم ويقلب حتى يصبح لونه ذهبيا ، ثم يضاف  الفلفل الرومى حتى يدبل ، ثم تضاف الطماطم وصلصه الطماطم والماء والبهارات ونتركها  حتى تغلى ثم نضيف مكعب الدجاج ،يضاف الارز ونتركه حتى يبدأ فى الغليان ثم نخفض النار ونتركه يستوى على نار هاديه ويقدم بجانب الارز وبالهنا والشفا .

ثانياً :-طريقه عمل طاجن سبيط :-

طاجن سبيط 

{ المقادير }:-

☆1كيلو سبيط مقطع حلقات او مكعبات
☆معلقه كبيره ثوم مفروم
☆3حبه طماطم مقطعه مكعبات
☆معلقتين كبار صلصه طماطم
☆حزمه كرفس مقعه
☆معلقه كمون معلقه زعتر
☆ربع معلقه فلفل اسود
☆ملح حسب الرغبه
☆ربع معلقه زيت
☆فلفل الوان
☆فلفل اخضر
☆بصله كبيره مقطعه مكعبات

{ طريقه التحضير  }:-

فى حله على النار هنحط زيت وهنشوح فيه البصل لغايه مايدبل وبعدين هننزل بالسبيط ونشوحه لغايه ماينزل كل ميته ، نفضل نقلب لغايه الميه ماتنشف وبعدين نحط الفلفل ونقلبه كويس، وبعدين نحط الطماطم ونقلبها ،وبعدين نخلط الصلصه فى نص كوب ماء وننزل بيها على السبيط ، بعدين هنحط الكرفس والملح والفلفل والكمون والزعتر ونقلبهم كويس وبعدين نسيب الطاجن لغايه مايتسبك ،نحط السبيط فى طاجن ونحط على الوش معلقتين زيت  وندخله الفرن ونسيبه لغايه مايتشرب والوش يحمر وبعدين نخرجه من الفرن ونقدمه مع الرز الابيض وسلطه الطحينه وبالهنا والشفا .

ثالثاً :- طريقه عمل سلطه الرنجه :- 

سلطه الرنجه

{ المقادير }:- 

☆1كيلو رنجه
☆4 حبه طماطم
☆3حبه فلفل الوان
☆1 قرن فلفل اخضر حار
☆عصير ثلاث ليمونات
☆1كوب زيت
☆2بصله مقطعه شرايح
☆كوب طحينه
☆خس

{ طريقه التحضير }:-

نقطع الرنجه لقطع متوسطه ونضعها فى طبق عميق ، ثم نضيف الطماطم والبصل والفلفل الالوان والفلفل الحار والخس ، ثم نسكب الزيت والطحينه وعصير الليمون ونقلب كل المكونات معا وهكذا تكون جاهزه للتقديم وبالهنا والشفا.

-فوائد تناول الرنجه:-

-بتعزز صحه خلايا الدم الحمراء وغنية بالمعادن المهمه لصحة الهيكل العظمي  وتعزز صحه الجهاز العصبى ،تحتوى على الدهون الصحيه والبروتين وتعمل على الحفاظ على صحه الأنسجة فى الجسم.

-شاهد أيضاً :- طريقه عمل السمك البلطى ( صنيه فى الفرن، مشوى، مقلى )


تعليقات