أولاً :- كورات الكفته بالوايت صوص :-
المقادير :-
☆1/4كوب ماء☆بصله مفرومه
☆بقدونس مفروم
☆1معلقه صغيره بهارات
☆1معلقه صغيره فلفل اسودوملح
مقادير الوايت صوص :-
☆كوب كريمه طهى☆1/2معلقه صغيره ثوم مفروم
☆1/2معلقه صغيره فلفل اسود
☆3اكواب شوربه دجاج
☆2معلقه كبيره زبده
طريقة التحضير :-
قطعى البصله وافرميها وبعدين ضيفى لها الملح والفلفل والبهارات ،اخلطيهم كويس وضيفى اللحمه المفرومه والبقدونس للخليط وافرميهم لحد ما المكونات كلها تتجانس اعجينيها بالايد ،وبعدين شكليها لكرات صغيره ،سخنى الزيت فى مقلايه وحمرى كرات اللحم بعدين رصيها فى صنيه فرن وعشان تعملى صوص الكريمه ذوبى الذبده فى وعاء صغير على النارثم ضيفى له الدقيق وقلبيه كويس وبعدين ضيفى الشوربه والملح والفلفل للخليط وقلبى لحد ماتكون الصلصه سميكه سبيها على النار دقيقه وبعدين ضيفى الكريمه واستمرى فى التقليب لمده دقيقه وبعدين ارفعى الخليط من على النار ووزعيه على صنيه كرات اللحم ودخلى الصنيه فى فرن سخن على حراره متوسطه لمده 40 دقيقه وقدميها مع الرز، دى وصفه مختلفه وجديده تقدرى تعملى بيها الكفتة وتفاجئ بيها عيلتك ، غير الطرق التقليدية اللى إحنا متعودين نعمل بيها الكفته كمان خفيفه وصحيه ، وبالهنا والشفا.ثانياً :- طريقة عمل كباب الحله :-
المقادير:-
☆1/2كيلو لحمه (يفضل تكون عجالى)☆2بصله مبشوره
☆1قرن فلفل رومى
☆ملح وفلفل اسود
☆بهارت لحمه
☆2معلقه زبادى
طريقه التحضير :-
نفرم البصل ونحط عليه البهارات والملح والفلفل الاسود،نقطع الفلفل الرومى قطع صغيره وبعدين نحطه على البصل المبشور،نضيف الزبادى للخليط ونقلبهم كويس مع بعض،نقطع اللحمه مكعبات متوسطه الحجم وبعدين نحط عليها الخلطه ،نتبل اللحمه بالخليط كويس،وبعدين نحط اللحمه فى صنيه ونغطيها بالفويل كويس،بعدين ندخلها الفرن على درجه حراره 200 ،ملحوظه مهمه ممكن نضيف شويه ميه او شوربه للحمه عشان نتأكد انها استوت كويس بتقدميها مع الارز الابيض والخضار وبالهنا والشفا.ثالثاً :- طريقة عمل كفته الأرز :-
المقادير:-
☆1/2كيلو لحم بقرى☆1/4كيلو رز ابيض مصرى
☆3بصله متوسطه الحجم
☆بقدونس
☆3فصوص ثوم
☆مقدار ملح وفلفل
☆كمون وبهارات لحمه وجوزه الطيب وقرفه
☆2كوب عصير طماطم
☆زيت غزير لتحمير الكفته
طريقه التحضير:-
اغسلى الارز جيدا ثم صفيه من الماء ،واتركيه ليجف تماما ثم قومى بطحنه ، افرمى البصل والبقدونس ويضاف اليهم الارز المطحون وقلبيهم ثم ضيفى اللحم المفروم الى الخليط وقومى بعجنهم معا عن طريق الايدى او بوضع جميع المكونات فى الكبه والملح والفلفل الاسود والقرفة وجوزه الطيب المبشوره وبهارات اللحمه واعجنيهم جيدا حتى تحصلى على خليط متجانس ، قومى بدهن ايديكى بالزيت ثم قومى بتشكيل الكفته الى صوابع او على شكل كوارت صغيره ثم قومى بتحميريها فى زيت غزير وبعد ذلك انتشليها وصفيها.للصلصه ، قومى بتحمير التوم فى معلقتين سمن ثم ضيفى عصير الطماطم والصلصه والقليل من الملح والفلفل الأسود ونص معلقه صغيره من الزعتر الناشف واتركيه حتى الغليان ثم قومى باضافه الكفته الى الصلصه وزيدى ماء ان احتاج الامر تم قومى بتركها حتى تمام التسبيك والتسويه ،تقدم مع الارز الابيض ومننساش السلطه الخضراء عشان تبقى وجبه متكامله وتفيد كل افراد الاسره ويالهنا والشفا .
تعليقات
إرسال تعليق