-المقادير:-
☆1/2 كيلو كبد دجاج☆بصله متوسطه الحجم متقطعه
☆3 حبات فلفل ألوان
☆1قرن فلفل اخضر حامى
☆ملح وفلفل أسود
☆ثوم مفروم
☆جنزبيل طازج مفروم
☆معلقه صغيره من دبس الرومان
☆رشه جوزه الطيب
☆سمن أو زبده أو أى ماده دهنية متوفره عندك
-طريقه التحضير :-
فى وعاء على النار هنشوح البصل مع السمن أو الزبده وبعدين هنحط الفلفل الالوان والفلفل الحامى ونقلبهم كويس ونسيبهم لغايه مايدبلوا وبعدين هنحط الثوم والسبع بهارات وممكن نكتفى برشه جوزه الطيب ورشه قرفه ونقلبهم كويس وبعدين ننزل بالكبده والملح والفلفل الاسود ،نقلب الكبده لغايه ما لونها يتغير،بعدين هنحط دبس الرومان ونقلب كويس ،هنضيف القليل من الماء ونوطى النار ونغطى على الكبده ونسيبها لغايه ما تنشف الميه وتستوى الكبده ،هنقدمها مع المكرونه بصوص الطماطم والبطاطس المحمره وبالهنا والشفاااا.ثانياً :- طريقه عمل الكوردن بلو :-
 |
الكوردن بلو |
-المقادير:-
☆4 صدور دجاج بانيه☆شرايح جبنه شيدر
☆جبنه موتزريلا
☆شرايح تركى مدخن أو شرايح لانشون فراخ أو شرايح لانشون لحمه( حسب الرغبه )
☆دقيق
☆فيجيتار
☆2بيضه مخفوقين مع معلقه كبيره لبن أو معلقه كبيره ماء
☆توابل ( بصل بودر، توم بودر، رشه جوزه الطيب )
☆ملح وفلفل أسود
-طريقه التحضير :-
تغسل صدور الدجاج جيدا ثم تقطع لشرايح رفيعه، تدق شرايح الفراخ بالشكوش الخشبى لتصبح شرايح رقيقه جدا ثم تتبل بالملح والفلفل الاسود والبصل البودر والثوم البودر ورشه جوزه الطيب، تفرد شرايح الفراخ ونضع عليها شرايح من التركى المدخن أو لانشون الفراخ أو لانشون اللحمه حسب الرغبه ثم نضع عليها شرايح الجبنه الشيدر أو الجبنه الموتزريلا أو خليط من النوعين حسب رغبتك أيضاً ثم تلف على شكل رول وتغلق باستخدام خله الاسنان وتغمس فى الدقيق ثم البيض المخفوق مع معلقه كبيره لبن ثم الفيجيتار وتحمر فى الزيت ساخن وتخفض الحراره حتى يستوى جيدا ثم تعلى مره اخره قبل انتشالها من الزيت للحصول على قرمشه لذيذه و يصبح لونها ذهبى ومقرمش، ننتشلها من الزيت وتوضع على مناديل الورقيه للتتشرب الزيت، تقدم مع المكرونه الاسباجتى بصوص الطماطم والبطاطس المحمره والكاتشب والمايونيز وبالهنا والشفاااا.ثالثاً :- طريقه عمل شاورما الدجاج :-
 |
شاورما الدجاج |
-المقادير :-
☆500جرام صدور فراخ متقطعه شرايح
☆زيتون أخضر مخلى ومتقطع حلقات☆2قرن فلفل اخضر حامى
☆6 حبات فلفل ألوان
☆ملح وفلفل أسود
☆ثوم مفروم
☆جنزبيل طازج مفروم
☆رشه جوزه الطيب
☆1بصله متوسطه الحجم متقطعه خشن
☆سمن أو زبده حسب الرغبه
☆جبنه موتزريلا
-طريقه التحضير :-
فى وعاء كبير على النار هنسيح الزبده وبعدين هنشوح البصل لغايه مايدبل ،بعدين هنحط الفلفل الالوان والفلفل الحامى ونقلبهم كويس وبعدين هنحط الثوم المفروم ومعاه الجنزبيل المفروم ونقلبهم لمده 3 دقايق بعدين هننزل بالفراخ بعد ما نقطعها لقطع صغيره نسيبها شويه منقلبهاش عشان تكون اخدت الصدمه وبعدين نقلبها كويس لغايه مايتغير لونها.هنحط الملح والفلفل الأسود ورشه جوزه الطيب، وبعدين هنهدى النار ونضيف القليل من الماء ونغطى على الفراخ ونسيبها لغايه ما تستوى وتتشرب كل كميه الميه، هنرفعها من على النار ،وهنحط الزيتون المخلى ونقلبه كويس مع الفراخ وبعدين هنحط الجبنه الموتزريلا ونغطى على الفراخ عشان الجبنه الموتزريلا تسيح، هنجيب عيش الكيذر ونحشيه شاورما الفراخ، تقدم مع البطاطس المحمره والكاتشب والمايونيز وبالهنا والشفاااا.
تعليقات
إرسال تعليق