القائمة الرئيسية

الصفحات

طريقه عمل (كيكه الريد فيلفيت الرائعه ، كيكه جوز الهند بالشربات )

طريقة عمل كيكه الريد فيلفيت الرائعه

كيكه الريد فيلفيت 

☆المقادير:-

<2 كوب وربع دقيق
<2 معلقه صغيره بيكنج بودر
<نص معلقه صغيره بيكربونات الصوديوم
<ربع معلقه صغيره ملح
<2 معلقه كبيره كاكاو خام
<2 معلقه كبيره خل
<2 معلقه كبيره لون أحمر
<نص كوب زبده غير مملحه
<كوب ونص سكر
<2 بيضه
<كوب لبن

☆مقادير كريمه الريد فيلفيت :- 

<3/4 كوب زبده غير مملحه
<معلقه كبيره زبده
<1/2 كوب حليب
<2 ونص معلقه كبيره دقيق
<226 جرام من الجبن الكريمى
<كوب سكر بودر

☆طريقه التحضير :- 

فى وعاء كبير هنخلط الدقيق والبيكنج بودر وبيكربونات الصوديوم والملح ثم نقوم بالتقليب جيدا، وفى وعاء أخر هنخلط الكاكاو الخام والخل والفانيليا واللون الأحمر ثم نقوم بالتقليب جيدا بالمضرب اليدوى، وفى وعاء أخر هنخلط الزبده مع السكر وهنخلطهم مع بعض بالمضرب الكهربائى ثم نضيف خليط الكاكاو ونخفق مره اخرى بالمضرب الكهربائى حتى نحصل على يتجانس الخليط، ثم نضيف البيض ونخفق مره أخرى بالمضرب الكهربائى، ثم نضيف خليط الدقيق ونخفقه جيدا ثم نضيف الحليب تدريجيا مع الاستمرار فى الخفق، ثم نقوم بتقسيم المقدار على ثلاث صوانى متساويه،ثم نضعها بالفرن على درجه حراره 350 درجه مئوية  لمده 35 دقيقه، ثم نتركها تبرد ثم نقوم بتقطيع سطح الكيك ونقوم بتفتيته ونضعه فى الفرن لمده ربع ساعه ، ثم نضعه فى الكبه حتى تصبح كالبودر.
لعمل كريمه الريد فيلفيت هنسيح معلقه كبيره من الزبده على النار ثم نضع الدقيق ونقلب جيدا حتى يتشرب الدقيق كل الزبده ، ثم نضع الحليب ونقلب جيدا بالمضرب اليدوى، ثم نتركها تبرد تماما، ثم نضع الخليط بعد مايبرد فى وعاء ونضع معه الجبن الكريمى والزبده ونخلطهم بالمضرب الكهربائى ثم نضيف السكر البودره ونستمر فى الخفق بالمضرب الكهربائى حتى نحصل على قوام متجانس، نضع كميه من الكريمه ونفردها على سطح الكيكه الأولى ثم نضع الكيكه الثانيه فوق الكيكه الاولى،ونضع كميه من الكريمه على سطح الكيكه الثانيه ونقوم بفردها، ثم نضع الكيكه الثالثه فوق الكيكه الثانيه ونقوم بفرد كميه من الكريمه على سطحها،  هكذا نحصل على كيكه واحده مؤلفه من ثلاث طبقات ومحشيه كريمه ومزينه من الخارج بالكريمه أيضاً، ثم نقوم برش فتافيت الكيكه على الوجه والجوانب وبالهنا والشفاااا.

☆ثانياً :- طريقة عمل كيكه جوز الهند بالشربات :-

طريقة عمل كيكه جوز الهند بالشربات

كيكة جوز الهند بالشربات 

☆المقادير :- 

<2 كوب دقيق
<3/4 كوب جوز هند
<بيكنج بودر
 <كيس فانيليا
<4 بيضات
<كوب لبن
<3/4 كوب زبده أو سمن
<1 كوب سكر
<1 معلقه صغيره خل

-للشربات :- 

<2كوب سكر
<2 كوب ماء
<عصره ليمون
<فانيليا

☆طريقة التحضير :- 

فى الخلاط أو محضر الطعام هنخلط السكر والزبده واللبن كويس جدا لغايه السكر مايدوب وبعدين هننزل بالبيض تدريجيا ونخفق كويس جداً، وبعدين هنحط الفانيليا ومعلقه صغيره خل ، الخل مفيد فى أنه بيقضى تماما على رائحة البيض الغير مرغوب فيها  وكمان بيعتبر من عوامل رفع الكيك ،يعنى هيخلى الكيكه بتاعتك عاليه ومفيهاش ريحه الزفاره الناتجه عن البيض، فى وعاء آخر هنخلط كل المكونات الجافه وهى الدقيق والبيكنج بودر وجوز الهند، وبعدين هنخلط المكونات السائلة بخليط الدقيق ونقلبهم مع بعض كويس جدا بالمضرب اليدوى، هنجيب صنيه مغلفه بورق الزبده أو مدهونه زبده وعليها رشه دقيق وبعدين هندخلها فرن سبق تسخينه على درجه حراره 180 درجه مئوية لمده 30 دقيقه، وبعدين هنسقيها بالشربات أول ماتطلع من الفرن ،الكيك بيكون سخن  والشربات بيكون بارد ،وبعدين هنرش جوزهند على الوش، وبكده تكون جاهزه للتقديم، لعمل الشربات هنحط السكر وعليه الميه ونفضل نقلب كويس جدا لغايه ما السكر يدوب وبعدين نسيبهم لغايه ما يغلوا على النار، وأول مايغلوا هنحط عصره الليمون و الفانيليا ونقلبهم سوا وبعدين نسيبهم لمده 5 دقائق وبعدين نرفعه من على النار ونسيبه يبرد ونحطه على الكيكه وهى سخنه وبالهنا والشفا.

-شاهد أيضاً طريقه عمل كيكه المج بدون فرن وكيكه النسكافيه.










تعليقات