 |
مكرونه بصلصه البولينيز |
{ المقادير }:-
☆مكرونه مسلوقه☆2قص ثوم مفروم
☆1 حبه فلفل اخضر حامى (اختيارى)
☆عصير طماطم
☆جزره مبشوره
☆ملح وفلفل
☆بهارات (زعتر ،رشه قرفه ، ريحان مفروم )
{ طريقة التحضير } :-
مكرونه بصلصه البولو نيز طعمها تحفه ومختلف ، هتشوحى فصين توم مع قرن فلفل اخضر حامى ،وتنزلى بعصير الطماطم ،ابشرى جزره وحطى ملح وفلفل وزعتر ورشه قرفه وريحان مفروم وتحطيه على صوص الطماطم وتسبيه يتقل ، وبعدين تحضرى الصوص الابيض كوبايه لبن مع معلقه دقيق تدوبيهم مع بعض وبعدين تسيحى معلقه سمن وتنزلى بمزيح اللبن والدقيق ووتحركى لغايه الصوص ما يتقل ، وبعدين تجيبى المكرونه المسلوقه وتفرديها فى الصنيه وتحطى فوقيها صوص الطماطم ورشه جبنه رومى وبعدين هتحطى الصوص الابيض مع رشه جبنه رومى او جبنه موتزريلا على الوش وبعدين هدخليها الفرن لمده 5 دقايق تحت الشوايه لغايه ما تدوب الجبنه ، وعلى فكره ممكن تحطى فراخ او مفروم زى ما انتى عايزه، تقدم مع الفراخ البانيه أو الفراخ المشويه والسلطه الخضراء وبالهنا والشفا.ثانياً :- طريقة عمل مكرونة بخليط الأجبان :-
{ المقادير } :-
☆ مكرونه مسلوقه☆ 2 كوب دقيق
☆ 2كوب لبن
☆ 2 معلقه كبيره سمن
☆ 1كوب جبنه شيدر
☆ 1كوب جبنه موتزريلا
☆ 1 كوب جبنه بارميزان
{ طريقة التحضير } :-
دوبى معلقتين سمن او زبده وبعدين ننزل عليهم بالدقيق ونحرك كويس ،وبعدين نحط عليهم اللبن ونحرك لغايه لما يتقل الخليط ، هنا هننزل بخليط الاجبان ونحرك لغايه لما يبقى عندنا خليط سميك ، دلوقتى ننزل بالمكرونه المسلوقه ونحركها كويس لغايه ماتختلط المكرونه مع خليط الاجبان . السر فى مكرونه بالاجبان هو خليط الجبن مع الباشميل جربوها ياصبايا فعلا هتحبوها، ياريت نخلى بالنا ومنكلش كتير منها لأن فيها سعرات حراريه كتير بسبب خليط الأجبان اللى إحنا حطيته، كمان ممكن ناكل معاها صدور فراخ مشويه أو شيش كباب مع سلطه الطحينه هتبقى تحفه وبالهنا والشفا .ثالثاً :- طريقة عمل مكرونه بالوايت صوص والمشروم :-
{المقادير} :-
☆50 جرام مكرونه اى نوع☆مشروم
☆نص كوب لبن خالى الدسم
☆معلقه دقيق
☆بصل بودر
☆توم بودر
☆ملح وفلفل اسود
{ طريقة التحضير } :-
هنسلق المكرونه ونشيلها على جنب ،هنشوح المشروم فى طاسه مدهونه زيت ،بعدين ننزل عليه بكوب اللبن مدوب فيه معلقه دقيق ونضيف الملح والفلفل الاسود والتوم البودروالبصل البودر ونقلب لغايه مايتقل شويه ،لو تقل قوى ممكن تذودى شويه ميه،وبعدين تنزلى بالمكرونه وتقلبى كويس عشان المكرونه تمتزج مع الوايت صوص والمشروم ممكن نضيف صدور فراخ وبالهنا والشفا.رابعاً :- طريقة عمل مكرونه بالباشميل :-
{ المقادير } :-
مكرونه بينى مسلوقه
بصله متوسطه الحجم مفرومه
ربع كيلو لحمه مفرومه
ملح وفلفل أسود
بهارات لحمه
لعمل الباشميل:-
أربع معالق كبيره دقيق
أربع أكواب لبن
2معلقه كبيره سمن
ملح وفلفل أسود
مرقه دجاج
للوجه :-
جبنه موتزريلا
{ طريقة التحضير } :-
-بسلق مكرونه وبعدين بنعصج اللحمه مع بصله وملح وفلفل اسود وبهارات لحمه ومعاهم فلفل اخضر متقطع ، لعمل الباشميل بندوب الدقيق فى اللبن و السمن وملح وفلفل اسود ومرقه دجاج كل ده على البارد وبعدين بحطهم على النار وافضل اقلب لغايه الصوص مايتقل وبعدين اجيب صنيه افرد فيها المكرونه المسلوقه وعليها اللحمه المعصجه وفوقيهم صوص الباشميل ونرش على الوش الجبنه الموتزريلا ، بعدين ندخلها الفرن تحت الشوايه لغايه ما الوش يحمر، ياريت تجربوها مع السلطه الخضراء صدقوني هتحبوها جدا جدا ، دا عن تجربه شخصيه ومش هتبطلوا تاكلوا مع السلطه الخضراء بالليمون والتوم والخل يعنى حاجه تحفه من الاكل كمان تقدروا تقدموا جمبها صدور الفراخ البانبه وبالهنا والشفا.
ساقوم بتجربتها
ردحذف