طريقه عمل( كب كيك البسبوسه ، بسبوسة محشيه قشطه )

المقادير :- 

< كيلو الا ربع باميه صغيره الحجم
< 1/2كيلو طماطم
< 1بصله متوسطه الحجم
< 2فص ثوم مفروم
< ملح وفلفل اسود
< جوزه الطيب وكزبره ناشفه
< 1/2كيلو لحمه ضانى(سبق سلقها)
< 1حبه فلفل احمر
< سمن او زبده حسب الرغبه

طريقه التحضير :- 

قمعى الباميه وقومى بغسلها جيدا،نضرب الطماطم فى الخلاط او (محضر الطعام) ونحط معاه حبه الفلفل الاحمر ،بعدين نشوح البصله فى السمنه او الزبده حسب الرغبه بعدين حطى قطع اللحمه واستمرى فى التقليب وبعد مايدبل البصل هننزل عليهم بعصير الطماطم،بعدين حطى التوابل والملح والفلفل وسبيهم لغايه لما الطماطم تتسبك ٠
نجيب طاسه ونشوح فيها الباميه مع الثوم المفروم لمده 5دقايق تقريبا وبعدين هنحط الطماطم واللحمه فوق الباميه ونحركهم كويس ونسيبهم يغلوا مع بعض لمده 10 دقايق .
دلوقتى هنجيب طاجن ونحط فيه خليط الباميه مع اللحمه ويفضل تخلى الباميه على الوش عشان تتحمر وتدى شكل شهى للطاجن بعدين احط معلقه سمنه او زبده حسب الرغبه وادخلها الفرن واسيبها نص ساعه لحد لما تستوى كويس وتبقى جاهزه للتقديم ومتنسيش تعملى رز ابيض جمب الطاجن وبالهنا والشفا.

ثانياً :- طريقة عمل طاجن عكاوى بورق العنب :- 

المقادير :-

1/2 كيلو عكاوى

ملح وفلفل

كمون وكزبره ناشفه 

2بصله مقطعه شرايح

لعمل ورق العنب :-

نص كيلو ورق عنب

نص كيلو رز

خضره

طماطم 

ملح وفلفل أسود 

1بصله متوسطه الحجم مفرومه

طريقة التحضير :- 

هنحمر بصله متوسطه الحجم لغاية ماتدبل وبعدين هننزل بعصير الطماطم ونسيبها لغايه ما تتسبك، وبعدين هنحط ملح وفلفل أسود وبهارات ونضيف الأرز المغسول  فوق عصير الطماطم ونقلب كويس وبعدين هنحط الخضره المفرومه ونقلب كويس ، هنرفع الخلطه من على النار.

هنسلق ورق العنب فى ماء مغلى به ملح وكمون، لغايه ما تخلص كل الكميه، وبعدين هنحشى ورق العنب بخلطه الرز لغايه مانخلص كل الكميه.

اغسلى العكاوى كويس جدا وشوحيها مع ملح وفلفل اسود وبصلتين شرايح لغايه ما تشرب ميتها،زوديها ميه شويه شويه لحد ماتتسوى تلات اربع سوا،هاتى طاجن او صنيه عميقه ونرص العكاوى الاول وعليها طبقه بصل وطماطم متبله ملح وفلفل وكمون وكزبره ناشفه نبدا بقى نرص ورق العنب ونسقيه من الصوص اللى طلع من الكوارع حوالى كوبايه ومننساش نعصر ليمونه على ورق العنب ، بعدين هطغطى الطاجن وهتديله غلوه غلى البوتجاز، وبعدين دخليه الفرن وسبيه حوالى نص ساعه لحد ماتشمى احلى ريحه وبالهنا والشفا.

طريقة عمل طاجن بطاطس باللحمه :-

المقادير :- 

< نص كيلو بطاطس
< بصلتين
< نص كيلو طماطم
< كيلو لحمه
< ملح وفلفل اسود
< بهارات

طريقة التحضير :- 

نغسل البطاطس ونقطعها حلقات ، ونجيب طماطميتين ونقطعهم حلقات ونضعها فوق البطاطس ، هنجيب بصله مفرومه ونفرمها ونحط عليها ملح وفلفل اسود وثوم مفروم ونخلطهم سوا ،والبصله التانيه هنقطعها حلقات اما اللحمه هنغسلها كويس وبعدين هنشوحها فى معلقتين سمن ولما تاخد لون ننزل عليها بعصير الطمطاطم ونسيلها تستوى نص سوى ومننساش نحطلها ملح ، نجيب صنيه ونرص فيها حلقات البطاطس ونحط عليها البصله المبشوره ونخلطهم مع بعض كويس وبعدين ننزل باللحمه وعصير الطماطم وفى الاخر نحط البصل والطماطم الحلقات ،نزيد الطاجن ميه وندخله الفرن لغايه ما يستوى ويقدم مع الارز الابيض وبالهنا والشفاااااا.

-شاهد أيضاً :- طريقة عمل الحاووشى الاسكندرانى والشيش طاووق والثوميه.